२०८३ असार ८ गते , सोमबार
घर बनाउने क्रममा करेन्ट लागेर एक जनाको मृत्यु
सुनसरीको भोक्राहा नरसिंह गाउँपालिका- २ स्थित मेहेताटोलमा करेन्ट लागेर एक जनाको मृत्यु भएको छ । शुक्रबार दिउँसो साढे ११ बजे छिमेकीको घर बनाउने क्रममा छतमा फलामको रड तान्दा रडले बिजुलीको तार छुन गई करेन्ट लाग्दा स्थानीय ४० वर्षीय जीवानन्द मेहेता गम्भीर घाइते भएका थिए ।
घाइते मेहेतालाई उपचारको लागी जिल्ला अस्पताल सुनसरी पुर्याउनसाथ मृत्यु भएको प्रहरीले जनाएको छ । घटना सम्बन्धमा जिल्ला प्रहरी कार्यालय सुनसरीबाट थप अनुसन्धान भइरहेको जनाइएको छ ।