झापाको सुरुङ्गास्थित पूर्व पश्चिम राजमार्गमा भएको सवारी दुर्घटनामा एक जना मोटरसाइकल चालक गम्भीर घाइते भएका छन् ।प्रहरीका अनुसार बुधवार दिउँसो पूर्वबाट पश्चिमतर्फ जाँदै गरेको बा १३ च ७१८२ नम्बरको कारमा सोही दिशातर्फ जाँदै गरेको मे २ प ६८३१ नम्बरको मोटरसाइकल अनियन्त्रित भई ठोक्किँदा पछाडिबाट आउँदै गरेको बा ५ ख ५८३ को नम्बरको बसले समेत ठक्कर दिएको थियो । ठक्करबाट मोटरसाइकल चालक झापा गाउँपालिका ३ बस्ने ३५ वर्षीय वरुणकुमार चौधरी गम्भीर घाइते भएका छन् । घाइतेलाई उपचारको लागि बिएण्डसी हस्पिटलमा लगिएको छ । यता मोटरसाइकल र  बसलाई इलाका प्रहरी कार्यालय सुरुङ्गाले नियन्त्रणमा लिएको जिल्ला ट्राफिक प्रहरी कार्यालयले जनाएको छ ।