नेपाल बार एसोसिएसनको यही चैत १९ गते हुन गइरहेको केन्द्रीय कार्य समिति निर्वाचनमा झापाका कानुन व्यवसायी (अधिवक्ता)  सुरज खत्रीले प्रदेश उपाध्यक्ष पदमा आफ्नो उम्मेदवारी दर्ता गराएका छन् । 
भद्रपुर नगरपालिका ५ स्थित नयाँ बजार स्थायी घर भएका भद्र शालीन स्वभावका अधिवक्ता खत्रीले प्रदेश नम्बर १ बाट वृहत् लोकतान्त्रिक–प्रगतिशील समावेशी तथा पेसागत कानुन व्यवसायी समूहका तर्फबाट प्रदेश नम्बर १ को उपाध्यक्ष पदमा उम्मेदवारी दर्ता गराएका हुन् । 
  वाणिज्य कानुनमा स्नातकोत्तर सम्मको अध्यापन पुरा गरी सकेका अधिवक्ता खत्री वार एसोसिएसन झापाको पूर्व अध्यक्ष , भद्रपुर रोटरी क्लबका संस्थापक सचिव हुँदै वर्तमान अवस्थामा समेत विभिन्न सामाजिक संघ संस्थामा रहेर सक्रिय रुपमा काम गर्दै आइरहेका छन् ।
उनले निर्वाचनमा आफू निर्वाचित भएमा मुलुकमा कानुनी शासन  स्थापित गर्न पहल गर्दै  सम्पूर्ण कानुन व्यवसायीहरूलाई एकताबद्ध बनाएर एक सक्षम बार बनाउने आफ्नो उद्देश्य रहेको बताए । 
सुशासन कानुनी मुल्य र मान्यताप्रति आफुसदैव प्रतिबद्ध भएर लाग्ने बताउँदै उनले भने, 'सम्पूर्ण कानुन व्यवसायीहरूलाई अत्यधिक बहुमतले आफूलाई निर्वाचित गराउन समेत आग्रह गरे ।'