युवा खेलाडी लामिन यामालको सशक्त पुनरागमन र मिकेल ओयार्साबालको उत्कृष्ट दुई गोलको मद्दतले फिफा विश्वकपमा स्पेनले साउदी अरेबियामाथि ४–० को सहज जित हासिल गरेको छ। पहिलो खेलमा नयाँ टोली केप भर्डेसँग को बराबरीमा रोकिएको स्पेनले यो खेलमा भने सुरुदेखि नै पूर्ण दबाब बनाएको थियो।  

मुख्य प्रशिक्षक लुइस डे ला फुएन्तेको टोलीले खेलको पहिलो हाइड्रेशन ब्रेक अगावै ३–० को अग्रता लिइसकेको थियो। खेलको १० औं मिनेटमा ओयार्साबालको क्रसलाई सदुपयोग गर्दै लामिन यामालले उत्कृष्ट गोल गरी स्पेनलाई सुरुवाती अग्रता दिलाए।

त्यसपछि साउदी डिफेन्सको कमजोरीको फाइदा उठाउँदै ओयार्साबाल आफैंले तीन मिनेटको अन्तरालमा दुईवटा क्लोज(रेन्ज गोल गरे। ओयार्साबाल पहिलो हाफमै ह्याट्रिक पूरा गर्नबाट दुई पटक चुके— उनको एक प्रहार बारमा ठोक्कियो भने अर्को प्रहार पोष्टको नजिकैबाट बाहिरियो।

हाफ(टाइममा दुवै गोलकर्ता (यामाल र ओयार्साबाल) लाई मैदानबाट बाहिर बोलाइए तापनि स्पेनको आक्रमणमा कुनै कमि आएन।  खेलको ४९ औं मिनेटमा म्यार्क कुकुरेलाको सशक्त भलीलाई साउदीका गोलकिपर मोहम्मद अलोवाइसले बचाउने प्रयास गरे पनि रिबाउन्ड बल डिफेन्डर हसन अल–ताम्बाक्तीको शरीरमा लाग्दै आत्मघाती गोलमा परिणत भयो।

 अब स्पेनलाई अन्तिम ३२ मा स्थान सुरक्षित गर्न उरुग्वेविरुद्धको अन्तिम खेलमा मात्र १ अंक बराबरीको आवश्यकता छ। अर्कोतर्फ, साउदी अरेबियाले अर्को चरणको सम्भावना जीवित राख्न केप भर्डेविरुद्धको खेलमा उत्कृष्ट पुनरागमन गर्नुपर्नेछ।