सुन सफा गरिदिन्छु भन्दै ठगी गर्ने एक व्यक्तिलाई इलाम प्रहरीले पक्राउ गरेको छ । पक्राउ पर्ने भारत बिहार बोरबोई कतिहार सुलतानपुर बजार बस्ने ४९ वर्षीय केशव साह रहेका छन् ।

उनले इलाम सूर्योदय नगरपालिका- २ बौद्धधाम बस्ने कल्पना तामाङको सुनको सिक्री,चाँदीको चम्चा, कासको थाल सफा गरिदिन्छु भन्दै झुक्यानमा पारी ठगी गरेका थिए ।

इलाका प्रहरी कार्यालय पशुपतिनगरबाट खटिएको प्रहरीले उनलाई पक्राउ गरेको हो । पक्राउ परेका साहमाथि इलाका प्रहरी कार्यालय पशुपतिनगरबाट थप अनुसन्धान भइरहेको जिल्ला प्रहरी कार्यालय इलामका सूचना अधिकारी प्रहरी निरीक्षक प्रदीप सुवेदीले बताए ।